Առաջին անգամ նման խոշոր հաշիվ գրանցվեց Հայաստանի գավաթի խաղարկության եզրափակիչ խաղում: Փյունիկը այս առումով դարձավ յուրահատուկ ռեկորդի հեղինակ: Չորս գնդակի տարբերությամբ Հայաստանում դեռ ոչ մի թիմի չէր հաջողվել հաղթել եզրափակիչ խաղում: Այս առումով շնորհավորում ենք Վարդան Մինասյանին և իր սաներին:

"Ուզում եմ նախ շնորհավորել մեր երկրպագուներին, որոնց աջակցությունը մենք շատ լավ զգում էինք: Հնարավոր է, որոշակի տպավորություն ստեղծվեց, որ հեշտ հաղթանակ տարանք, բայց մենք մինչև վերջին պահը լարված էինք: Այսօր ամեն ինչ ստացվեց և ես նման խաղ էի սպասում տղաներից:

Այս տարվա գավաթի խաղարկության լավագույն ռմբարկու դարձավ մեր թիմի ֆուտբոլիստ Մարկոս Պիզելին: Նա երեք անգամ գրավեց մրցակից թիմերի դարպասը, ինչը բավարար եղավ ամենաարդյունավետ ֆուտբոլիստը ճանաչվելու համար: