Հուլիսի 14-ին Երևանի «Հանրապետական» մարզադաշտում Հայաստանի չեմպիոն «Փյունիկը» ընդունել էր Զագրեբի «Դինամոյին» Չեմպիոնների Լիգայի երկրորդ որակավորման փուլի շրջանակներում: Լարված պայքարում անցած հանդիպումը ավարտվեց ոչ-ոքի` 0:0 հաշվով: Պատասխան հանդիպումը տեղի կունենա հուլիսի 21-ին Զագրեբում, Երևանի ժամանակով ժամը 23:30-ին:

Հուլիսի 14-ին Վազգեն Սարգսյանի “Հանրապետական” մարզադաշտում տեղի կունենա Չեմպիոնների Լիգայի երկրորդ որակավորման փուլի “Փյունիկ”-“Դինամո” (Զագրեբ, Խորվաթիա) հանդիպումը: Տոմսերը կարող եք ձեռք բերել “Հանրապետական” մարզադաշտի տոմսարկղում և “Հյումել” խանութների ցանցում:

Հայաստանի առաջնության Բարձրագույն խմբի երկրորդ շրջանը ավարտվեց “Փյունիկ”-“Արարատ” հանդիպումով: Գրանցվեց երրորդ գոլազուրկ ոչ-ոքին “Փյունիկի” անցկացրած վերջին չորս հանդիպումներում: Առաջնությունում ընդմիջում է, իսկ “Փյունիկին” այժմ  սպասում են Չեմպիոնների Լիգայի երկու հանդիպում Զագրեբի “Դինամոյի” հետ:

Հայաստանի առաջնության Բարձրագույն խմբի առաջատարների հանդիպումը “Հանրապետական” մարզադաշտում ավարտվեց “Փյունիկի” հաղթանակով 3:0 հաշվով: “Միկայի” ֆուտբոլիստները հավասար պայքար մղելով չեմպիոնի դեմ, այնուամենայնիվ երեք անգամ ստիպված էին հանել գնդակը սեփական դարպասից Գևորգ Ղազարյանի (2) և Կառլեն Մկրտչյանի հարվածներից հետո:
“Փյունիկը” կրկին գլխավորեց մրցաշարային աղյուսակը մեկ միավորով անցնելով “Միկայից”, ընդ որում երկրի չեմպիոնը անցկացրել է մեկ խաղ պակաս:

Այսօր շվեյցարական Նիոն քաղաքում տեղի ունեցավ Չեմպիոնների Լիգայի և Եվրոպայի Լիգայի որակավորման փուլերի վիճակահանությունը: “Փյունիկը”` Չեմպիոնների Լիգայի որակավորման երկրորդ փուլում կհանդիպի Խորվաթիայի չեմպիոն Զագրեբի “Դինամոյի” հետ: Հանդիպումները կկայանան հուլիսի 14-15-ին և 21-22-ին:

Հայաստանի առաջնության Բարձրագույն խմբի հերթական տուրում “Փյունիկը” մրցեց “Շիրակի” հետ մրցակցի դաշտում: Չնայած Վարդան Մինասյանի սաների ներդրած ջանքերի, ինչպես և մեկ շաբաթ առաջ, չեմպիոնը կրկին ավարտեց հանդիպումը գոլազուրկ ոչ-ոքիով: Առաջին անգամ այս մրցաշրջանում “Փյունիկը” զիջեց առաջատարի իր դիրքերը: “Միկան” հաղթելով “Կիլիկիային” շրջանցեց “Փյունիկին”, ունենալով երկու միավոր ավել, սակայն “Փյունիկը” մեկ խաղ պակաս է անցկացրել:

“Փյունիկը” անսպասելիորեն երկու միավոր կորցրեց “Գանձասարի” հետ խաղում` ավարտելով հանդիպումը 0:0 հաշվով: “Հանրապետական” մարզադաշտում կայացած հանդիպումը անցավ փյունիկցիների առավելությամբ, սակայն մեր թիմին չհաջողվեց գրավել մրցակցի դարպասը: “Միկան” հաղթելով “Ուլիսին”` 2:1 հաշվով ընդհուպ մոտեցավ չեմպիոնին, հասցնելով միավորների տարբերությունը`երեքի:

Երեկ երեկոյան կյանքից հեռացել է "Փյունիկ" ֆուտբոլային ակումբի երիտասարդ ու խոստումնալից հարձակվող Սարգիս Արոյանը, որը հանդես է եկել նաև Հայստանի մինչև 17 և 19 տարեկանների հավաքականի կազմում: Սարգիսը համարվում էր հեռանկարային ֆուտբոլիստ և նրա հետ մեծ հույսեր էին կապում:

Հայաստանի առաջնության հերթական տուրի հանդիպումը դժվարին ստացվեց երկրի չեմպիոնի համար: “Հանրապետական” մարզադաշտում “Փյունիկը” ընդունեց “Ուլիսին” և հաղթանակ տարավ 3:2 հաշվով` շնորհիվ Հենրիխ Մխիթարյանի դիպուկ հարվածի հանդիպման վերջին րոպեներին: Մինչ այդ երկու թիրմերն էլ առաջ էին անցնում հաշվի մեջ` սկզբից “Ուլիսը” իրացնելով 11-մետրանոց հարվածը, այնուհետև Գևորգ Ղազարյանը և Հենրիխ Մխիթարյանը առաջ մղեցին “Փյունիկին”: Հանդիպման հիմնական ժամանակի ավարտից 2 րոպե առաջ “Ուլիսը” հավասարեցրեց հաշիվը և թվում էր որ ոչ-ոքի անխուսափելի է: Եւ այստեղ իր վճռական խոսքը ասեց Հայաստանի առաջնության լավագույն ռմբարկուն` հաղթանակ բերելով “Փյունիկին”:

Մայիսի 17-ին Հայաստանի առաջնության Բարձրագույն խմբի առաջնության 8-րդ տուրում հանդիպեցին "Բանանցը" և "Փյունիկը": Գավաթի եզրափակիչ հանդիպումից անցել էր մեկ շաբաթ և սպասվում էր որ այս հանդիպումն էլ լարված կլինի: Սակայն դեռ առաջին խաղակեսում "Փյունիկը" հանեց բոլոր հարցերը հաղթողի վերաբերյալ` երեք անպատասխան գնդակ ուղարկելով "Բանանցի" դարպասը: Երկրի չեմպիոնը հաղթեց 4:1 հաշվով, իսկ Հենրիխ Մխիթարյանը դարձավ այս խաղում իր երկրորդ "հեթ-տրիկի" հեղինակը այս առաջնությունում, և 9 գնդակով գլխավորեց ռմբարկուների ցուցակը:

Հայաստանի առաջնության Բարձրագույն խմբի 8-րդ տուրում " Փյունիկը " հյուընկալվեց "Միկային": Հանդիպումն ավարտվեց ոչ-ոքի 2:2 հաշվով: Նորընծա գավաթակիրը կորցրեց առաջին միավորներն ու բաց տողեց առաջին գնդակը այս առաջնությունում: Առաջին կեսում թիմերի դարպասապահները չկարողցան հետ մղել Էդնեյի և Արթուր Եդիգարյանի հեռահար հուժկու հարվածները: Երկրորդ կեսում Դեմելը խորամանկ հարվածով գրավեց Մելիքսեթյանի դարպասը, սակայն "Փյունիկին" հաջողվեց խուսափել պարտությունից ի շնորհիվ Հենրիխ Մխիթարյանի գեղեցիկ գոլի:

Հենրիխ Մխիթարյանի դիպուկ հարվածը հաղթանակ բերեց "Փյունիկին" Հայաստանի 2009թ. Գավաթի խաղարկության եզրափակիչում: Հանդիպումը անցավ փյունիկցիների առավելությամբ, և միայն Ստեփան Ղազարյանի վարպետութոյւնը թույլ չէր տալիս չեմպիոնին առավելությունը նյութականի վերածել: 90+2 րոպեին ստանալով փոխանցում Գևոքրգ Ղազարյանից` Մխիթարյանը ներխուժեց տուգանային հրապարակ, շրջանցեց դարպասապահին և գրավեց անպաշտպան դարպասը: