«Փյունիկ Ակադեմիայի» պաշտպան Իշխան Դարբինյանն առաջիկա մրցաշրջանում վարձակալությամբ հանդես կգա Հայաստանի Առաջին խմբի նորեկ «Սարդարապատում»։

Նախորդ մրցաշրջանի առաջին հատվածը 21-ամյա ֆուտբոլիստն անցկացրեց «Փյունիկ Ակադեմիայում»՝ մասնակցելով 10 խաղի։ 2024 թվականի օգոստոսի 18-ին, Հայաստանի Պրեմիեր լիգայի առաջնության՝ «Ալաշկերտի» դեմ (0:2) խաղում Դարբինյանն իր նորամուտը նշեց «Փյունիկի» գլխավոր թիմում։

Մրցաշրջանի գարնանային հատվածը մեր ֆուտբոլիստը վարձակալությամբ հանդես եկավ Հայաստանի Պրեմիեր լիգայի առաջնության մասնակից «Վեստ Արմենիայում», որի կազմում անցկացրեց 6 խաղ։

Հաջողություն ենք մաղթում Իշխան Դարբինյանին նոր ակումբում։