Տեղեկացնում ենք, որ սկսվել է հավատարմագրումը ՈւԵՖԱ Կոնֆերենցիաների լիգայի 2025/26 թթ. խաղարկության առաջին փուլի՝ «Փյունիկ» - «Տրե Ֆիորի» պատասխան հանդիպման համար։

Հավատարմագրման համար անհրաժեշտ է մինչև հուլիսի 15-ը՝ ժամը 18:00, հայտերն ուղարկել [email protected] էլ. հասցեին։

Հայտում պարտադիր է նշել՝ անուն-ազգանուն, լրատվամիջոցի անվանումը և գործունեության բնույթը (լրագրող, օպերատոր, լուսանկարիչ)։

Նախախաղային մամուլի ասուլիսի և մարզման ժամանակացույցի մասին կտեղեկացնենք լրացուցիչ:

Հանդիպումը կկայանա հուլիսի 17-ին, Վազգեն Սարգսյանի անվան «Հանրապետական» մարզադաշտում։ Խաղի սկիզբը՝ 20:00։