«Փյունիկի» սան Լևոն Պետրոսյանն առաջիկա մրցաշրջանում վարձակալությամբ հանդես կգա Հայաստանի Պրեմիեր լիգայի ներկայացուցիչ «Գանձասարում»։

2022 թվականի ապրիլի 11-ին, Հայաստանի Պրեմիեր լիգայի առաջնության՝ «Արարատի» դեմ (2:1) խաղում Լևոնն իր նորամուտն է նշել «Փյունիկի» գլխավոր թիմում։

2022 թվականի հուլիսին նա տեղափոխվել է ԲԿՄԱ-2, որտեղ զինծառայության ընթացքում խաղացել է երկու մրցաշրջան։

Լևոն Պետրոսյանը հրավիրվել է Հայաստանի Մ-17, Մ-18 և Մ-19 տարեկանների հավաքականներ։

Նախորդ մրցաշրջանում Լևոնը «Փյունիկի» կազմում Հայաստանի Պրեմիեր լիգայի առաջնությունում մասնակցել է 9 հանդիպման, ինչպես նաև 2 խաղ է անցկացրել Հայաստանի գավաթի խաղարկությունում` դառնալով 2 գոլի հեղինակ։

Հաջողություն ենք մաղթում Լևոն Պետրոսյանին նոր ակումբում։